Čilgehus mearriduvvon árvosátnái ja váidin

Árvosániid almmuheapmi
Árvosánit almmuhuvvojit Studentwebas. Eksámeniid árvvoštallanáigemearri lea golbma vahku eksámenbeaivvi rájes / dan beaivvi rájes go kandidáhtta lea addán sisa eksámenvástádusa, jus árvvoštallanáigemearri ii viiddiduvvo erenoamáš sivaid geažil. Jus eksámenvástádus sáddejuvvo allaskuvlii poastta bokte dahje sáddejuvvo sensoriidda poastta bokte, lea árvvoštallanáigi guhkiduvvon vahkuin.

Čilgehus mearriduvvon árvosátnái
Kandidáhtas lea vuoigatvuohta oažžut čilgehusa das mo su eksámenvástádus lea árvvoštallojuvvon. Njálmmálaš dahje praktihkalaš eksámenis ferte kandidáhtta gáibidit dákkár čilgehusa dakkaviđe maŋŋil go árvosátni lea almmuhuvvon. Eará árvvoštallamis ferte kandidáhtta gáibidit čilgehusa vahku sisa árvosáni almmuheami rájes, ii dattege eanet go golbma vahku maŋŋil árvosáni almmuheami.
Sensor vállje addogo gáibiduvvon čilgehus čálalaččat vai njálmmálaččat.

Árvosáni váidin
Kandidáhtta sáhttá dušše čálalaččat váidit árvosáni golmma vahku sisa eksámenbohtosa almmuheami rájes. Jus kandidáhtta lea gáibidan čilgehusa árvosátnái dahje lea váidán eksámenbarggu / eksámenčađaheami / eksámenárvvoštallama meattáhusaid; de lohkko váidináigemearri dan rájes go kándidáhtta oažžu čilgehusa, dahje dan rájes go váiddaášši lea mearriduvvon. Joavkoeksámena bohtosa váidin galgá vuolláičállon buot joavkku kandidáhtain ovdal go váidda meannuduvvo allaskuvlla bealis.
Váidda galgá ovddiduvvot čálalaččat ja čilgehus galgá leat oassin váidagis. Váidda ovddiduvvo oahppohálddahussii.
Njálmmálaš eksámena árvvoštallama, hárjehallama dahje eará árvvoštallama ii sáhte váidit jus geahččaleapmi lea dakkár ahte ii leat vejolaš árvvoštallat dan ođđasit.

Eksámenlágideami formála meattáhusaid váidin
Eksámenkandidáhtta sáhttá váidit eksámenlágideami formála meattáhusaid. Váidináigemearri lea golbma vahku dan rájes go kandidáhtta fuomášii, dahje berrešii fuomášan, ášši man dihte váidá. Váidda galgá ovddiduvvot čálalaččat ja čilgehus galgá leat oassin váidagis. Váidda ovddiduvvo oahppohálddahussii.

Loga eambbo sensura ja váidima birra PDF icon Loahpalaččat dohkkehuvvon 15.06.2011 Sámi allaskuvlla eksamen- ja árvvoštallama láhkaásahus.pdf.

Skovvi: PDF icon SKOVVI Árvosáni váidin, formala mieddáhusa váidin dahje čilgehus mearriduvvon árvosátnái.pdf