Friddja bachelor

Vállje oahpuid maid don háliidat ja geavat áiggi nu go don háliidat!

Čoakke alccat 180 oahppočuoggá: 

  • Unnimusat 90 oahppočuoggá čiekŋudeapmi ovtta fágasuorggis.
  • Unnimusat 30 oahppočuoggá nuppi fágasuorggis. 
  • Unnimusat 10 oahppočuoggásaš smávva dutkanbarggu. 
  • 50 oahppočuoggá válljet friddja.

Oza ja oaččo dohkkehuvvot oahpuid. 

 

Mii lea friddja bachelor? 

Friddja bachelor lea bachelorgráda (180 oahppočuoggá), mas lea čiekŋudeapmi (90 oahppočuoggá) ovtta fágasuorggis, omd sámegiella ja sámi girjjálašvuođas, sámi journalisthkas, duodji ja hábmemis, boazodoalus. Eará oahppoásahusa oahput sáhttet nai dohkkehuvvot oassin Sámi allaskuvlla friddja bacheloras.  

 

Manne friddja bachelorgráda? 

  • Bargoohcamii lea dus alitoahpu duođaštus
  • Sáhtát masterohppui ohcat

 

Friddja bachelorgráda ohcanskovi gávnnat dáppe.

Čuovvovaš bealit leat mielde friddja bachelora ohcama árvvoštallamis: 

  • Gráda deavdá gáibádusaid Sámi allaskuvlla bachelorgráda láhkaásahusa § 3 b) vuolde; ahte unnimustá 90 oahppočuoggá čiekŋudeapmi ovtta fágasuorggi siskkobealde, ja unnimustá 30 oahppočuoggá nuppi fágasuorggis. Gáibiduvvo ahte studeanta čađaha ovtta iešheanálaš barggu man viidodat leat 10 oahppočuoggá.
  • Buot fágat leat bachelordásis
  • Unnimusat 60 oahppočuoggá grádas leat čađahuvvon Sámi allaskuvllas (gč. Sámi allaskuvlla bachelorgráda láhkaásahusa § 7)
  • Unnimusat 60 oahppočuoggá grádas eai leat oassin eará grádain maid leat olahan (gč. Sámi allaskuvlla bachelorgráda láhkaásahusa § 7)
  • Grádas ii leat fágalaš látnjalasvuohta eanet go 10 oahppočuoggá (gč. Sámi allaskuvlla bachelorgráda láhkaásahusa § 6).

Váldde oktavuođa oahpporáđđeaddiin Anne Karen Hætta Balsain jus leat gažaldagat friddja bachelora birra.