Obbalaš bagadusat

(Ođastuvvon golggotmánu 12. beaivvi 2021)

Norgga ráđđehus lea mearridan čakčamánu 25. beaivvi rájes heaittihit njoammuneastadannjuolggadusaid, ja dan rájes lea dábálaš árgabeaivi mas lea aliduvvon gearggusvuohta. Dat mearkkaša ahte ii dárbbaš šat doallat mehtera gaska earáide, eai ge leat koronarájit man oallugat sáhttet čoahkkanit lanjaide ja lágidemiide.

Fuomáš! Áidna njuolggadus mii ain bisuhuvvo lea ahte galggat orrut isolašuvnnas jus dus lea covid-19. Dat ii leat dušše ávžžuhus, muhto njuolggadus.

Ráđđehus ávžžuha álbmoga ain čuovvut gustovaš njoammuneastadan doaibmabijuid:
1. Biso ruovttus jus leat buohcci. Váldde iskosa jus leat dávdamearkkat. Dat guoská buohkaide, vaikko leat boahkuhuvvon. 
2. Jus it leat boahkuhuvvon ja orut seamma viesus go soames geas lea dávda, váldde iskosa dahje biso erremis.
2. Muitte giehta – ja gossanhygiene. Basa dávjá gieđaid dahje geavat giehtasprihta jus ii leat čáhci.

Dárbbašat go boahku dahje koronaiskkosa váldit?
Buohkat allaskuvlla studeanttat ja bargit, maiddái sii geat leat álbmotregistrerejuvvon eará suohkanis, ožžot fálaldaga váldit koronaboahku Guovdageainnu dearvvašvuođabálvalusas. 
Diŋgo áiggi boahkuheapmái dahje koronaiskkosa váldit suohkana dearvvašvuođabálvalusas, telefunnummár 78 48 72 60 dahje 116117, dahje diŋgo digitálalaččat Helse Norge neahttasiiddus.

Oahpahus 
Oahpahus čađahuvvo nu go lea oahppoplánaide biddjojuvvon. 

Ruovttukantuvra
Dábálaš ruovttukantuvrraid šiehtadusat leat doaimmas. Jus leat dávdamearkkat, de lea vejolaš bargat ruovttukantuvrras.

Koronasertifikáhtta ja vaksiidna
Koronasertifikáhtta maid leat ožžon EU- ja EØS-riikas, lea dohkkehuvvon Norggas. Loga eambbo koronasertifikáhta birra ja movt dat doaibmá.
Olbmot geat leat váldán Pfeizer, Moderna, Strazenica ja Jansen boahku olggobealde EU- ja EØS-riikain (omd. USAs), fertejit registreret dan boahku doaktára luhtte maŋŋel go leat boahtán Norgii ja leat ožžon Norgga personnummara dahje D-nummara.  

Mátkkošteapmi rájiid rasta
Visot rádjerastildeapmi lea dál fas rabas. Loga eambbo Helsedirektroáhta neahttasiiddus mátkkošteami birra, sihke Norggas olgoriikii ja olgoriikas Norgii.


Eanet dieđut koronavirusa (Covid-19) birra:

- Álbmotdearvvašvuohta (FHI) neahttasiiddus gávnant ođastuvvon dieđuid koronavirusa birra. 

- HelseNorge

- Ráđđehus 

- Boađat go eará riikkas Norgii?