BA - Sierra kursa
SÁM 105 Sámi girjjálaš muitalanárbi ja dan oktavuohta teáhterii ja filbmii
- Oahpahusgiella: Davvisámegiella
- Oahpahusbáiki: Sámi allaskuvllas
- 10 oahppočuoggá
- Oahppoplána
- Diibmoplána: TimeEdit Samisk Høgskole - Sámi allaskuvla
Studeanta oahpásmuvvá sámi muittašangirjjálašvuhtii, historjá-biográfalaš girjjálašvuođa ja vuostáiváldima dutkamii. Studeanta suokkarda, mainna lágiin girjjálašvuohta, teáhter ja filbma sáhttet leat čatnagasas nuppiidasaset.
Sisabeassangáibádusat
- Dábálaš sisabeassangáibádusat alitoahpahussii. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga) dahje realagelbbolašvuohta.
- Lassin galgá sámegiela máhttu vuosttaš- dahje nubbingiellan joatkkaskuvllas dahje vástideaddji (omd. sámegiela lohkanbadjeoahppu).
- Dasa lassin studeanta galgá leat čađahan SÁM 111 Sámi girjjálašvuođa vuođđokurssa, SÁM 106 Sámi girjjálašvuohta dahje vástideaddji oahpu.
