Dáhpáhusat:

Utstilling
04. golggotmánu, 12:00 - 03. skábmamánu, 13:30

AIDA- prošeakta čájáhusain Árjjepluovis

AIDA (Arctic Indigenous Design Archives) prošeavtta dieđalaš veahkki guoktás, Laila Susanna Kuhmunenas ja Berit Kristine Guvsámis, lea čájáhusrahpan Solvermuseetas golggotmánu 4. beaivvi.

Rabas dutkanseminára
29. golggotmánu, 10:00 - 15:45

Mánáid giella ja jurddašeapmi II

Sámi allaskuvlla dutkanprošeavtta Epistemalaš modalitehta mánáid ehtalaš ja morálalaš árvvoštallamis loahpahanseminára Mánáid giella ja jurddašeapmi II lágiduvvo Romssas 29.10.2021.

Atte dieđu jus háliidat čuovvut seminára interneahtas!

konferánsa
24. skábmamánu, 11:30 - 25. skábmamánu, 13:30

Sámi mánáidgárdekonferánsa 2021

Sámi lohkanguovddáš, Sámi allaskuvla ja UiT Norgga árktalaš universitehta lágidit ovttas Tromssa ja Finnmárkku stáhtahálddašeddjiin Sámi mánáidgárdekonferánssa Diehtosiiddas Guovdageainnus 24.11.-25.11.2021.

Rabasbeaivi
01. njukčamánu, 09:00 - 14:00

Rabasbeaivi 2022

Sámi allaskuvla lágida rabasbeaivvi Diehtosiiddas njukčamánu 1. beaivvi.

Rabas dutkanseminára
29. golggotmánu, 10:00 - 15:45

Mánáid giella ja jurddašeapmi II

Govva: Disainari / Tanja Sanila

DIGITÁLA SEMINÁRALANJA LIŊKA SÁDDEJUVVO DAIDDA GEAT LEAT DIEĐIHAN SEMINÁRII.

Sámi allaskuvlla dutkanprošeavtta Epistemalaš modalitehta mánáid ehtalaš ja morálalaš árvvoštallamis loahpahanseminára Mánáid giella ja jurddašeapmi II lágiduvvo Romssas 29.10.2021.

Dán máŋggadieđalaš prošeavttas mii gullá sihke gielladiehtagii, filosofiijai, pedagogihkkii ja girjjálašvuođadiehtagii, leat guorahallan mánáidgárde- ja skuvlamánáid giellageavaheami ja ehtalaš ja morálalaš jurddašeami. Leat čielggadan movt viđa–čiežajahkásaš mánát dulkojit ja árvvoštallet ehtalaš gažaldagaid, ja movt dát árvvoštallan boahtá ovdan sin gielas. Leat maid guorahallan makkár gielalaš vugiiguin mánát almmuhit epistemalaš ja evidentiála modalitehta.

Semináras ovdanbuktojuvvojit prošeavtta bohtosat ja eará áigeguovdilis dutkamušat sihke mánáid ja nuoraid giela ja jurddašeami birra. 

Sáhkavuorut eai dulkojuvvo eará gielaide.

Jus áiggut searvat seminárii, de sádde e-boastta dása: johannai@samas.no. Atte dieđu boađát go fysalaš semináralatnjii vai searvvat go digitálalaččat. Dat geat oassálastet digitálalaččat, ožžot semináralanja liŋkka ovdal seminára. 

Dieđihanáigemearri: 8.10.2021
 

Prográmma 

10.00–10.15
Seminára álggaheapmi

Seminára rahpan
Anne Britt Klemetsen Hætta, Giela, duoji ja servodatdiehtagiid goađi jođiheaddji, Sámi allaskuvla

10.15–10.30
Dutkanprošeakta epistemalaš modalitehta ja ehtalaš ja morálalaš árvvoštallama birra – Mánáid giela ja jurddašeami guorahallan muitalusaid bokte skuvllain ja mánáidgárddiin
Johanna Johansen Ijäs
 
10.30–11.00
Muitalanárbevierru dutkanmateriála čoaggimis
Ánte Mihkkal Gaup
 
11.00–11.30
Dutkanbargu ovttas oahpaheaddjeoahpuiguin – studeanttaid jurdagat
Pigga Keskitalo
 
Boradeapmi

12.30–13.00
Bamse-bláđđi ja kollektiiva morálačállin – fuomášumit čállinbargobájis
Hanna-Máret Outakoski
 
13.00–13.30
Guovtte- ja golmmajahkásaš mánáid guhkimus cealkagat
Biret Ánne Bals Baal

Gáffeboddu

13.45–14.15
Movt mánáid ehtalaš árvvoštallamat bohtet ovdan mánáid giellageavaheamis?
Nils Oskal

14.15–14.45
Na boastut, muhto dat soaitá leat riekta – Epistemalaš ja evidentiála modalitehta mánáidgárde- ja skuvlamánáid gielas
Johanna Johansen Ijäs

14.45–15.00
Ságastallan

15.15–15.35
Girjealmmuheapmi: Muital fal! Ofelaš mánáid giela ja jurddašeami ovddideapmái

15.35–15.45
Seminára loahpaheapmi

Báiki: UiT Norgga árktalaš universitehta, Romsa, latnja C1007, HSL-fakultehta.

 

Lágideaddjit:
Sámi allaskuvla
UiT Norgga árktalaš universitehta
Ubmi universitehta

 

Oktavuođaolmmoš:
Johanna Johansen Ijäs, johannai@samas.no, tlf. +47 78 44 85 19.

 

Ođastuvvon 27.10.2021