Sámi buohccidivššároahpu prošeaktajođiheaddji: - Dál lea hirbmat dehálaš ahte sii geat háliidit ohcat dárkkistit ahte sis lea dat lohkangelbbolašvuohta álgit buohccidivššárohppui. Jus ii leat, de lea dál ain áigi háhkat dán gelbbolašvuođa mii gáibiduvvo, muitala Anja Somby.
Ođasvuorká
Sáhttá go bajásgeassin leat menddo dorvvolaš?
Snowflakes buolva lea doaba mii maŋemus jagit lea ožžon hirpmat stuorra internašunála fuomášumi. Muohtačalmmit, dahje ”snowflakes” sáhttá leat dálaáiggi vuohki govvidit mánáid ja nuoraid geat leat hearkkit ja loavkašuvvet álkit (Fretheim 2018). Mearkkaša go “snowflakes” seammá go maid sáhttit dádjat “bummolullu” mánát, ja mo lea dát árbevirolaš sámi bajásgeassima ektui?
Sámi allaskuvlla ávvudanjahki loahpahuvvo seminárain 1989-2089
Dán vahku loahpaha Sámi allaskuvla lágidemiid mat leat leamaš 30 jagi ávvudeami oktavuođas olles 2019:s. Duorastaga ja bearjadaga lea seminára mas fáddá lea geahčadit 30 vássan jagi ja movt Sámi allaskuvla galggašii boahtteáiggis.
Guhkiduvvon ohcanáigemearri giđa 2020 oahpuide
Dál lea ain vejolaš ohcat Sámi allaskuvlla giđa oahpuide. Oahpuide sáhtat ohcat Søknadsweb bokte, deaddil dákko de beasat njuolga dohko.
Studeantaweb láidehus
Studeantaweb lea dehálaš reaidu dutnje studeantaáigodagas, oahpasnuva fal dainna!
Studeantawebbas beasat earret eará:
-Oaidnit eksámendieđuid, nu go kandidáhttanummara, eksámenbohtosiid jna.
Studeantaválggat - Du evttohusas ja jienas lea fápmu
Juohke jagi lágiduvvo rabasčoahkkin studeanttaide. Studeanttat válljejit rabasčoahkkimis ođđa studeantaáirasiid iešguđetge stivrraide ja lávdegottiide. Juohke studeanttas lea jienastanriekti ja sáhttet evttohuvvot studeantaválgii.
Evttohasat allaskuvlastivrii
Evttohasat allaskuvlastivrii oahppojahkái 2019/20
Čuovvovaččat lea evttohuvvon Sámi allaskuvlla stivrii studeanttaid ja gaskaboddosaš fágavirggehasaid ovddastit.
Lullisápmelačča guovttos oaččuiga gudnebálkkašumiid
Mannan vahkku geigii Sámi allaskuvlla prorektor Ylva Jannok Nutti WINU gudnebálkkašumiid Sverre Fjellheimii ja Inga Persson Mortenssonii. Loga dáppe sin sáhkavuoruid.
