BA - Sierra kursa

BEA 204 Boazoealáhus bachelorbargu

Boazoealáhus. Govven: Iris Egilsdatter

Boazoealáhus bachelorprográmma guovddážis leat čanastagat ja deaivvadeamit daid gaskka mat nuppebealde gullet Sámi árbevirolaš vuođđoealáhusaide, biras sivdnádussii, máhttoguoddi doaimmaide ja ásahusaide, dás erenoamážit boazosiiddastallamii, ja nuppe bealde riektevuođđu, riikkaid almmolaš hálddašeami huksen ja doaibmavuogit.

  • Oahpu lágideapmi: Neahttadoarjjaoahpahus: Sihke fysalaš oahppodeaivvadeamit Sámi allaskuvllas, ja lassin neahttaoahpahus ja bagadallan. Fysalaš deaivvademiide dábálaččat ii leat vejolaš searvat neahta bokte.
  • Oahpahusgiella: Oahpahus lágiduvvo sámegillii.
  • Oahppokoda: BEA 204
  • 10 oahppočuoggá
  • Diibmoplána
  • Oahppoplána
  • Jus leat jearaldagat mat gusket oahpposajeohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain, oahppohalddahus@samas.no


Oahpu sisdoallu

Bachelorbargu čállojuvvo fáttás, man studeanta ieš lea válljen boazoealáhusa siskkobealde. Barggus bokte studeanta galgá duođaštit, ahte máhttá čađahit oanehis dutkanbarggu, mas lea boazoealáhusa
fágavuođđu, váldolahkonanvuogit, teoriijat ja metodat. Studeanta sáhttá čatnat bachelorbarggu sámi dahje eará boazoálbmot vuolggasadjái. Bagadalli dohkkeha dutkanplána bachelorbargui.

Oahppanvuogit
Oahpahus lágiduvvo logaldallamin, bagadallamin ja bagadallanseminárain ja čuovvovaš studeantaságastallamin. Studeanta oažžu bagadallama čállima oktavuođas. Studeanttas lea vuoigatvuohta oažžut bagadallama unnimusat 3 geardde bachelorbarggu čálidettiin.
 

GÁIBÁDUSAT BEASSAT EKSÁMENII


Ovdal beassá eksámenii, studeanta galgá:
− Searvan deaivvademiide ja neahttaoahpahussii unnimusat 75 %.
− Barggadettiin bachelorbargguin studeanta lea geatnegahtton čađahit guokte fágabagadallama.
− Studeanta lea geatnegahtton searvat bagadallanseminárii dahje -semináraide.
− Studeanta galgá leat hábmen fáttá, čuolmma ja lohkanmeari (maid bagadalli dahje oahppokoordináhtor dohkkeha) iežas dutkanbargui ja čállán 4−5 siiddu dutkanraportta. Áigemeriid buktit dutkanraportta dohkkeheapmái bidjá bagadalli dahje oahppokoordináhtor.

 

Filesize: 284 KB
Filesize: 244 KB
Filesize: 242 KB
Filesize: 288 KB
Filesize: 230 KB

Sisabeassangáibádusat

Dábálaš sisabeassangáibádusat alitoahpahussii. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla/logahaga/gymnása) dahje reálagelbbolašvuohta. Dasa lassin galgá ohcci čađahan dahje čađaheame boazoealáhus bachelorprográmma geatnegahtton fágaoahpuid (gč prográmmaplána), dahje vástideaddji oahpuid.
Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200-300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.