BA - Sierra kursa

Aerpievuekien vætnam vaarjelidh jïh jealajehtedh



Sisvege
Studijisnie leara soejkesjidh, vytnesjidh jïh vætnoem åehpiedehtedh. Learoe praktihkes jïh teorijes daajroem studentese faala mij viehkine gosse vætnojne tjiehpiesligke barkedh jïh jïjtse maahtoeh jïh goerkesh vijriemdidh vætnoefaagen sisnjelen. Learosne vuekieh leara tjoelmeloetemistie, mah aevhkine gosse studente soejkesjeminie, hammodeminie jïh vytnesjeminie. Studente leara gïengelåbpoe barkedh vætnoen aerpievuekiejgujmie jïh vætnoejealajehtieminie.

Lohkehtimmiegïele
Ööhpehtimmien åejviegïele åarjelsaemien. Åesie lohkehtimmeste dovne daaroen.
Eksaamenem saemien- jallh daaroenligke maahta tjïrrehtidh.

Lïerehtimmie- jïh lïeremevuekieh
Vytnesjimmieboelhkh, lohkehtallemh, dåehkiebarkoeh, laavenjassh, portfolio (barkoegærjetje jïh gaervies vætnoe), bïhkemdimmie, seminaarh jïh vætnoevuesiehtimmietseegkeme.

Lehkie learoste öörneldh ööhpehtimmie (vytnesjimmie, lohkehtallemh, bïhkemdimmie, seminaarh j.n.v.) mubpiem lehkiem learoste dam maam studente jïjtje stuvrehte (vytnesjidh, lohkedh, tjaeledh, laavenjassh tjuevtedh, jïermestalledh j.n.v.).

Filesize: 99 KB
Filesize: 103 KB

Sisabeassangáibádusat

Sïejhme baahtsemeskrïevenassh jolleben ööhpehtæmman. Maahta daase baahtsedh ihkie sïejhme studijemaahtojne (jåarhkeskuvlem tjïrrehtamme) jallh realmaahtaldahkine. Dïsse lissine saemiengïele- jïh vætnoemaahtoe krïevenassine aaj.


Saemiengïelekrïevenassem maahta daej vuekiej mietie buektiehtidh: Åarjelsaemien lohkeme 1., 2. gïeline jallh ammesgïeline Nöörjen jåarhkeskuvlesne. Jallh jis Sveerjen gymnaasesne åarjelsaemien lohkeme ietniengïeline (modersmål 200 tsiehkieh) jallh orreaajketje gïeline (moderna språk 200–300 tsiehkieh), jallh mij aadtjetje moeneme saemiengïeleööhpehtimmiej vaastojne sjeahta daan baaletje njoelkedassi mietie. Gïelekrïevenassem aaj maahta buektiehtidh åarjelsaemien semeesterelearojne (30 studijetsiehkieh) jallh mejnie dan learoen vaastojne lea, jallh jis åarjelsaemien gïelepryövem tjïrrehte maam Saemien jolleskuvle tjåadtjohte. Jis ij leah vihties guktemes gïelemaahtaldahke ohtsijen lea, dellie aamhtese uvte bïejesåvva edtja faagen tsegkie vierhtiedovvedh jïh dle gïetedallesovvedh dan mietie.

 

Ohtsije tjeahta vytnesjimmiemaahtoem vuesiehtidh jïh galka 5–8 guvvieh seedtedh jïjtse darjome vætnoste jallh 2–3 guvvieh vætnoeprosjektijste gusnie dïhte kreatijve barkoe veele vååjnoe. Jis ohtsijen vætnoefaageprievie jallh jis learoem tjïrrehtamme vætnoeskuvlesne jallh jeatjh vætnoelearoem vaadtseme, dellie ohtsije faageprieviem jallh studijevihtestahkem maahta seedtedh jïh dam vætnoemaahtaldahkine åadtjodh dåhkasjovvedh.

Koordinator

Inga Elisa Påve Idivuoma's picture
Ingá Elisa Påve Idivuoma
Phone: 
Mobile: 
E-mail: 
ingaepi@samas.no