DutkanSápmi – Dieđavahkku eambbo go konferánsa
DutkanSápmi – Dieđavahkku eambbo go konferánsa
Ovttasráđiid DutkanSápmi – Dieđavahkku ovttasbargoguimmiideamet mii rabaimet odne doaluid Sámi Allaskuvllas ja nu lea ge vuosttas DutkanSápmi - Dieđavahkku dál jođus.
Gealdagasas ja giitevaš
Rektor Liv Inger Somby muitala sii leat giitevaččat ja gealdagasas.
– Lei Sámiráđđi mii vuolggahii jurdaga, mii čuovvoleimmet. Sámediggi ja NordForsk dorjo ruđalaččat ja nu lei maid vejolaš duohtandahkat dán dehálaš deaivvadanbáikki. Hálidan giitit olu Sámedikki ja NordForsk dán ovddas!
- Dát lea ođđa olahus go ná viidat nagodan čohkket sápmelaš dutkiid. DutkanSápmi – Dieđavahkku lea eambbo go konferánsa. Dát lea oktasaš kollektiiva áigumuš nannet oktavuođaid gaskkal sápmelaš dutkiid, logái Sámi allaskuvlla rektor Liv Inger Somby rahpansárdnistis.
Dehálaš arena
Sámediggeráđđi Maren Benedicte Nystad Storslett oaivvilda DutkanSápmi lea dehálaš arena.
- Sámi dutkan, sámi ovttasbargu ja sámi arenat eai leat dušše čikŋan - dat leat dárbbašlažžan. Mii fertet duostat jurddašit stuorrát. Duostat jurddašit sámegillii. Ja duostat jáhkkit ahte boahtteáigi lea min iežamet hálddus, logai Sámediggeráđđi Maren Benedicte Nystad Storslett rahpandilálašvuođas.
Dehálaš čálmmustahttit sámi gelbbolašvuođa
Sámiráđi presideantta Per Olof Nutti gesii ovdán dehálašvuođa Sámi servodaga gelbbolašvuođa čálmmustahttima.
- Mii dárbbašit din vai beassat čájehit ahte sámi servodagas lea gelbbolašvuohta, go dávjá duššindáhkko sápmelaččaid máhttu ja diehtu, logái son.
Dehálaš ahte sámi dutkit deaivvadit
Arne Flåøyen lea direktevra NordForskas muitala sidjiide leamaš dehálaš ruđalaččat doarjut Dutkan Sápmi – Dieđavahkku.
-
Lea dehálaš láhččit arena gos sámi dutkit besset deaivvadit fága-ja riikaráiáidkeahtes deaivvadeapmai juohkit vásáhusaid, gelbbolašvuođa ja hukset oktavuođaid boahtte áiggidutkanprošeavttaide.
DutkanSápmi – Dieđavahkku bistá bearjadahkii ja olles prográmma gávnnat dás.