Sámegiela ja sámi girjjálašvuođa doavttirgrádaprográmma stivra

STIVRALAHTUT

Sámegiela ja sámi girjjálašvuođa doavttirgrádaprográmma stivrras leat njeallje lahtu: 

Lahttu Várrelahttu
1. am Torkel Rasmussen, jođiheaddji Prof. Kaisa R. Helander
Prof. Annika Pasanen Prof. Jussi Ylikoski
Prof. Lene Antonsen 1. am. Lill Tove Fredriksen
Stip. Sini Rasmus  

 

ČOAHKKINPLÁNA

21.11.2023 

 

BEAVDEGIRJJIT

Doavttirgrádaprográmmastivrra beavdegirjjit leat vurkejuvvon Publicas áššis 18/00284. 

 

MANDÁHTTA

Dutkan- ja oahppostivra lea dohkkehan sámegiela ja sámi girjjálašvuođa doavttirgrádaprográmma stivrra mandáhta 1.11.2013 áššis DOS 118-13. Mandáhtta lea ođastuvvon 5.12.2018 (DOS 65-18), 29.1.2019 (DOS 4-2019) ja 25.2.2021 (DOS 8-21).

Prográmmastivrii válljejuvvojit njeallje (4) lahtu:

  • Guokte (2) siskkáldas doavttirgráda čađahan lahtu. Nubbi dáin lea doavttirgrádaprográmma jođiheaddji. Unnimusat nubbi dáin galgá leat sámegiela dahje sámi girjjálašvuođa professor.
  • Okta doavttirgráda čađahan lahttu eará dutkanásahusas.
  • Okta Sámi allaskuvlla doavttirgrádahas.
  • Juohke lahtu áigodat lea guokte (2) oahppojagi.
  • Juohke lahttui nammaduvvo persovnnalaš várrelahttu.
  • Prográmmastivrra jođiheaddjin doaibmá doavttirgrádaprográmma jođiheaddji.

Prográmmastivrra jođiheaddjis lea duppaljietna jienasteamis.

Goahti evttoha lahtuid, earret doavttirgrádahasa gean doavttirgrádahasat evttohit. Evttohusat ovddiduvvojit dutkan- ja oahppostivrii, mii nammada lahtuid.

Doavttirgrádaprográmma stivrra doaibma

  • Čađaha ohcciid sisaváldima doavttirgrádaohppui
  • Čuovvula doavttirgrádaprográmma studeantaáššiid
  • Ovddida PhD-ohppui guoskevaš áššiid goahtejođiheaddji bokte dutkan- ja oahppostivrii
  • Ovddida bagadallinammadeami evttohusaid goahtejođiheaddjái
  • Galgá searválaga bagadalliiguin sihkkarastit ahte doavttirgrádahasat oasálastet aktiivvalaččat dutkanbirrasiin
  • Vuolláičállá doavttirgrádašiehtadusa ovttas bagadalliiguin ja doavttirgrádastudeanttain.
  • Jus doavttirgrádastudeanta áigu váldit oahppooasi eará ásahusas, ferte prográmmastivra mearridit leago oahppooassi PhD fágalaš dásis ja sisaheivehit kurssaid maid studeanta lea váldán eará alit oahppoásahusain Sámi allaskuvlla doavttirgrádaprográmmii. 
  • Dárbbu mielde sáhttá prográmmastivra gáibidit doavttirgrádahasas erenoamáš raporterema jus lea váilevaš ovdáneapmi prošeaktačilgehusa ektui